مشرق وسطی

مقتدی صدر کی عوام سے تحمل سے کام لینے کی اپیل

شیعہ نیوز (پاکستانی شیعہ خبر رساں ادارہ) عراق میں صدر دھڑے کے لیڈر نے انتخابی نتائج پر اعتراض کرنے والوں سے قانونی راستہ اختیار کرنے کی اپیل کی ہے۔

تسنیم نیوز کے مطابق، صدر دھڑے کے لیڈر مقتدی صدر کی طرف سے جاری ہوئے بیان میں آیا ہے کہ یہ بات اہم نہیں ہے کہ انتخابات میں کون کامیاب ہوا ہے، اس سے زیادہ اہم بات عراقی قوم اور اسکی خدمت کرنا ہے۔

انہوں نے کہا کہ سیاسی اختلافات کا پہلا اثر نتائج کے اعلان میں تاخیر اور الیکشن کمیشن پر دباؤ ہے جس میں عوام کا نقصان ہے۔

صدر دھڑے کے لیڈر نے کہا: ہم سبھی لوگوں سے تحمل سے کام لینے اور انتخابات کے نتائج پر اعتراض کرنے کے لئے قانونی راستہ اپنانے کی اپیل کرتے ہیں۔

عراق میں عام انتخابات کے ابتدائی نتائج کے مطابق، صدر دھڑا 73 سیٹوں کے ساتھ سب سے آگے ہے۔ تقدم دھڑے کو 38، حکومتِ قانون دھڑے کو 37، کردستان ڈیموکریٹک پارٹی کو 32، کردستان دھڑے کو 17، کردستان پٹریاٹک یونین کو 15، عزم دھڑے کو 15، فتح دھڑے کو 14، امتداد تحریک کو 9، الجیل الحدید دھڑے کو 9، اسلامی اتحاد کو 4، بابلیون تحریک کو 4، تصمیم دھڑے کو 3، حکمت دھڑے کو 2 اور النصر دھڑے کو 2 سیٹیں ملی ہیں۔

عراق میں الفتح، حکومتِ قانون، اھل الحق، کتائب حزب اللہ، اسلامی پارٹی اور کردستان پٹریاٹک یونین پارٹی نے ملک کے عام اتخابات کے نتائج کو جعلی بتاتے ہوئے اسے ماننے سے انکار کیا ہے۔

عراق کے الیکشن کمیشن نے کہا ہے کہ اعتراضات کا جواب دیئے جانے کے بعد، انتخابات کے حتمی نتیجے کا اعلان ہوگا۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button