مسقط، ایران اور عمان کے وزرائے کی ملاقات، جوہری مذاکرات پر تبادلہ خیال

شیعہ نیوز: ایران اور عمان کے وزرائے خارجہ نے ایران امریکہ بالواسطہ مذاکرات کے چوتھے دور کے موقع پر ملاقات کی۔

رپورٹ کے مطابق، ایران کے وزیر خارجہ عباس عراقچی نے مسقط میں اپنے عمانی ہم منصب بدر بوسعیدی سے ملاقات کی۔

یہ ملاقات ایران اور امریکہ کے بالواسطہ مذاکرات کے چوتھے دور کے لئے مسقط میں موجود دونوں ممالک کے وفود کے درمیان بات چیت سے قبل انجام پائی ہے۔

یہ بھی پڑھیں : کوئٹہ: مجلسِ علماء مکتب اہلبیت (ع) پاکستان کا اہم اجلاس

اس ملاقات میں عراقچی نے ایران امریکہ مذاکرات کی میزبانی کرنے میں اہم کردار ادا کرنے پر عمانی وزیر خارجہ اور حکومت کا شکریہ ادا کیا۔

اس موقع پر عمانی وزیر خارجہ نے مذاکرات کی سہولت کے لیے کسی بھی قسم کی مدد فراہم کرنے کے لیے ملک کے عزم پر زور دیتے ہوئے عراقچی کو مذاکرات کے اس دور کے لیے کیے گئے انتظامات اور تیاریوں سے آگاہ کیا۔”