مسلم امہ پر صیہونی دشمن کے خلاف مسلح جہاد فرض ہے۔ ابو مرزوق
شیعہ نیوز (پاکستانی شیعہ خبر رساں ادارہ) حماس کے سیاسی شعبے کے سربراہ موسیٰ ابو مرزوق نے ایک بیان میں کہا ہے کہ قابض اسرئیلی ریاست کے مظالم کے خلاف فلسطینی قوم کی تحریک میں عرب ممالک اور مسلم امہ کو بھی اپنا حصہ ڈالنا ہوگا۔ ان کا کہنا تھا کہ مسلح جہاد اور مزاحمت فلسطین کی صیہونی پنجوں سے آزادی کا بہترین اور موثر ہتھیار ہے۔
رپورٹ کے مطابق حماس کے 32 ویں یوم تاسیس کی مناسبت سے جاری ایک بیان میں ابو مرزوق کا کہنا تھا کہ تاریخ نے ثابت کیا ہے کہ صہیونی دشمن کو ہرمحاذ پر صرف مزاحمت کے ذریعے شکست فاش سے دوچار کیا گیا ہے۔
بیان میں کہا گیا ہے کہ حماس قومی وحدت، عرب ممالک اور عالم اسلام کی صفوں میں اتحاد کی سب سے بڑی داعی ہے اور اسے قومی مطالبات کے اہم عنوان کے طورپر اختیار کیا جائے گا۔
اسرائیلی زندانوں میں پابند سلاسل فلسطینی بہن بھائیوں ، جوانوں ، مائوں اور بزرگوں کی رہائی حماس کی اولین ترجیح ہے اور اس کے ہرسطح پر جدو جہد جاری رہے گی۔ اس کے ساتھ ساتھ حماس اسرائیل کے ساتھ دوستانہ مراسم قائم کرنے کی کوششوں کے خلاف بھی موثر جدو جہد کرے گی۔
بیان میں واضح کیا گیا ہے کہ حماس کا ایجنڈا کسی سے مخفی نہیں۔ فلسطین کی مکمل آزادی، حق واپسی اور پورے ارض فلسطین پر آزاد اور خود مختار فلسطینی ممکت کا قیام ہماری جدو جہد کا مرکز اور محور ہے۔ جب تک ہمارے یہ تمام مطالبات پورے نہیں ہوتے اس وقت تک ہماری مساعی جاری رہیں گی۔
بیان میں حماس کے قیام کے اغراض ومقاصد پر بھی روشنی ڈالی گئی ہے اور کہا گیا ہے کہ حماس جب قائم ہوئی تو اس وقت فلسطین میں تحریک انتفاضہ اول جاری تھی جسے ’’پتھرکی انتفاضہ‘‘ کہا جاتا تھا۔
بتیس سال سے حماس میدان کارزار میں ہے اور آج غزہ میں صدی کی ڈیل کی سازش کے خلاف اور حق واپسی کے حصول کے لیے جدو جہد کررہی ہے۔ حماس اسرائیل سے دوستی کرنے والوں کو یہ پیغام دیتی ہے کہ انہیں صیہونی دشمن سے دوستی کے لیے منہ کی کھانا پڑے گی۔
حماس کا کہنا ہے کہ وہ قوم کے آئینی اور اصولی مطالبات پر کوئی سودے بازی نہیں کرے گی۔ حماس کی بتیس سالہ تاریخ میں جماعت نے ثابت کیا ہے کہ حماس پورے فلسطین کی آزادی، قومی خود مختار اور فلسطینی قوم میں وحدت کا علم لہرائے ہوئے ہے۔
بیان میں کہا گیا ہے کہ حماس تحریک آزادی فلسطین کے لیے تمام وسائل کو بروئے کار لائے گی اور صیہونی دشمن کے خلاف ہرمحاذ پر لڑنے کے عزم پر قائم رہے گی۔
ان کا کہنا تھا کہ صیہونی دشمن صرف مزاحمت کی زبان سمجھتا ہےفلسطینی مجاہدین دشمن کے خلاف ہرمحاذ پر جدو جہد جاری رکھیں گے۔
