مصطفی کمال کا علامہ راجہ ناصر عباس جعفری سے رابطہ، یکجہتی فلسطین ریلی میں شرکت کی دعوت

شیعہ نیوز:مجلس وحدت مسلمین پاکستان کے چیئرمین علامہ راجہ ناصر عباس جعفری سے متحدہ قومی موومنٹ کے مرکزی رہنما سید مصطفیٰ کمال نے ٹیلی فونک رابطہ کیا اور 20 اکتوبر بروز جمعہ منعقدہ یکجہتی فلسطین ریلی میں شرکت کی دعوت دی۔ ترجمان ایم کیو ایم پاکستان کے مطابق دوران گفتگو دونوں رہنماؤں نے فلسطین پر جاری اسرائیلی مظالم پر شدید غم و غصہ کا اظہار کیا۔ مصطفیٰ کمال نے علامہ راجہ ناصر عباس جعفری کو ایم کیو ایم کی میزبانی میں 20 اکتوبر بروز جمعہ منعقدہ یکجہتی فلسطین ریلی میں شرکت کی دعوت دی جس میں ان کا کہنا تھا کہ ریلی میں تمام شیعہ سنی سیاسی شخصیات علمائے کرام سمیت دیگر اہم رہنما شرکت کریں گے۔ اس موقع پر علامہ راجہ ناصر عباس جعفری نے ایم کیو ایم پاکستان کی فلسطین یکجہتی ریلی کی مکمل حمایت اور بھرپور شرکت کی یقین دہانی کروائی۔