ایم ڈبلیو ایم جنوبی پنجاب وفد کی علامہ اختر حسین نسیم سے ملاقات، بیٹے کی وفات پر تعزیت
علامہ اختر حسین نسیم کے بیٹے مولانا اعجاز حسین جعفری کا روز عاشور ملتان میں ایکسیڈنٹ ہوا تھا سر میں شدید چوٹ لگنے کے باعث بیہوشی کے عالم میں تین دن تک ہسپتال میں زیرعلاج رہے، تین روز کے بعد داعی اجل کو لبیک کہہ گئے
شیعہ نیوز: مجلس وحدت مسلمین جنوبی پنجاب کے وفد نے صوبائی آرگنائزر علامہ قاضی نادر حسین علوی کی قیادت میں جامعہ مصباح العلوم الجعفریہ کے پرنسپل علامہ اختر حسین نسیم سے ملاقات کی، ملاقات میں اُن کے بیٹے مولانا اعجاز حسین جعفری کے انتقال پر اظہار افسوس کیا اور فاتحہ خوانی کی، وفد میں صوبائی جنرل سیکرٹری مجلس علمائے مکتب اہلبیت جنوبی پنجاب علامہ طاہر عباس نقوی، صوبائی ترجمان ثقلین نقوی، مولانا لیاقت حسین، سید جواد رضا جعفری شامل تھے۔
یہ بھی پڑھیں: کراچی، حب ریور روڈ پر حساس ادارے اور سی ٹی ڈی کی بڑی کارروائی، فتنہ الخوارج کے دو دہشت گرد جہنم واصل
علامہ سید طاہر عباس نقوی نے مرحوم کی بلندی درجات، لواحقین کے لیے صبر و استقامت اور ملکی سلامتی کے لیے دُعا کرائی۔ واضح رہے کہ مولانا اعجاز حسین جعفری کا روز عاشور ملتان میں ایکسیڈنٹ ہوا تھا سر میں شدید چوٹ لگنے کے باعث بیہوشی کے عالم میں تین دن تک ہسپتال میں زیرعلاج رہے، تین روز کے بعد داعی اجل کو لبیک کہہ گئے۔
