ایم ڈبلیو ایم جنوبی پنجاب کا اجلاس، تمام ونگز کے مسئولین کی عزاداری کے خلاف مقدمات کی مذمت

شیعہ نیوز: مجلس وحدت مسلمین جنوبی پنجاب کا اجلاس صوبائی آرگنائزر علامہ قاضی نادر حسین علوی کی زیرصدارت ملتان میں منعقد ہوا، اجلاس میں مجلس علمائے مکتب اہلیبیت، عزاداری ونگ اور یوتھ ونگ کے صوبائی اور ڈویژنل مسئولین نے شرکت کی، اجلاس میں صوبائی ورکنگ کمیٹی کے اراکین علامہ قاضی نادر حسین علوی، مولانا سید فرخ مہدی، صفدر حسین خان، سید علی رضا زیدی، سید انعام حیدر زیدی، ثقلین نقوی، سید ندیم عباس کاظمی، سید جواد رضا جعفری، احسان حیدر، صوبائی صدر عزاداری ونگ جنوبی پنجاب انجینئر سخاوت علی سیال، عون رضا انجم ایڈووکیٹ، احسن مہدی، ملک عامر عباس بھٹہ، وحدت یوتھ ملتان کے ڈویژنل صدر رانا تیمور، ملک حسنین عباس، حسن رضا حیدری، حیدر شاہ، بہاولپور وحدت یوتھ کے ڈویژنل صدر سید عماد جاوید، سید عتیق شاہ، مجلس علمائے مکتب اہلیبیت جنوبی پنجاب کے نائب صدر مولانا سید سلطان احمد نقوی، علامہ سید طاہرعباس گردیزی، مولانا حسین مہدی، ورکنگ کمیٹی لیہ کے ممبر ساجد حسین خان گشکوری سمیت دیگر نے شرکت کی۔

یہ بھی پڑھیں: غزہ پر صیہونی فضائی اور توپ خانے کے حملے جاری، بھوک کا شدید بحران

اجلاس میں تنظیمی صورتحال کا جائزہ لیا گیا، اس کے علاوہ ونگز کے درمیان تعاون بڑھانے پر اتفاق کیا گیا، اجلاس میں شریک رہنمائوں نے اس طرح کے اجلاس اور ملاقاتوں کو خوش آئند قرار دیا، اُنہوں نے کہا کہ ماضی میں اس کی کمی محسوس کی گئی، صوبائی آرگنائزر علامہ قاضی نادر حسین علوی نے اس کمی کو پورا کیا اور پورے سیٹ اپ کو جمع کردیا، اجلاس میں فیصلہ کیا گیاکہ محرم الحرام کے دوران عزاداروں کے خلاف بنائے گئے بے بنیاد مقدمات کے خلاف مکمل قانونی چارہ جوئی کی جائے گی، وزیرداخلہ محسن نقوی کی جانب سے بائی روڈ زائرین کے ایران عراق داخلے کی شدید الفاظ میں مذمت کی، رہنمائوں نے اپنے مشترکہ بیان میں کہا کہ اگر حکومت کالعدم تنظیموں اور دہشتگردوں کا مقابلہ نہیں کر سکتی تو ٹی وی چینلز پر بڑھکیں مارنا چھوڑ دے۔