پراسرار ڈرون طیاروں کی پروازیں، نیویارک ائیرپورٹ کی سرگرمیاں معطل
شیعہ نیوز: پراسرار ڈرون طیاروں کی پروازوں کی وجہ سے امریکی شہر نیویارک کے بین الاقوامی ائیرپورٹ کی سرگرمیاں متاثر ہوگئی ہیں۔
امریکی ذرائع ابلاغ نے کہا ہے کہ نیویارک کی فضاؤں میں مشکوک اور پراسرار ڈرون طیاروں کی وجہ سے امریکی حکام تشویش میں مبتلا ہوگئے ہیں۔
تفصیلات کے مطابق نیویارک کے بین الاقوامی ایئرپورٹ اسٹیورٹ رات ایک گھنٹے کے لیے بند کرنا پڑا کیونکہ بے پراسرار ڈرون طیارے ایئرپورٹ کے اوپر پرواز کر رہے تھے۔
یہ بھی پڑھیں : ہم پورے عزم کے ساتھ ملک کی سلامتی و خود مختاری کا تحفظ کریں گے، جنرل سلامی
امریکہ کے نومنتخب صدر ڈونلڈ ٹرمپ نے اس بات پر زور دیا ہے کہ امریکی وفاقی حکومت پراسرار ڈرونز کے پس پردہ حقائق سے آگاہ ہے۔ حکومت کو ان ڈرونز کو گرا دینا چاہیے۔
ٹرمپ نے اپنی سوشل میڈیا پلیٹ فارم ٹروتھ سوشل پر لکھا: "پراسرار ڈرونز پورے ملک میں دیکھے جا رہے ہیں۔ کیا واقعی یہ ممکن ہے کہ یہ سب کچھ ہمارے حکومت کی اطلاع کے بغیر ہو؟ میں ایسا نہیں سوچتا!۔
دوسری طرف جوبائیڈن انتظامیہ کا کہنا ہے کہ اس کو ان ڈرونز کی نوعیت کے بارے میں کوئی معلومات نہیں ہیں۔
قومی سلامتی کونسل کے ترجمان جان کربی نے کہا کہ تحقیقات اور تصویری جائزے سے فی الحال کوئی ثبوت نہیں ملا کہ یہ ڈرونز قومی سلامتی یا عوام کے لیے کوئی خطرہ ہیں یا ان کا بیرون ملک طاقتوں سے کوئی تعلق ہے۔
