نماز کے ذریعے ہم اپنے باطن اور روح کو پاکیزہ بنا سکتے ہیں۔
شیعہ نیوز (پاکستانی شیعہ خبر رساں ادارہ) آیت اللہ العظمیٰ سید علی خامنہ ای نے نماز کے 28 ویں اجلاس کے نام اپنے پیغام میں تاکید کرتے ہوئے فرمایا: ہمیں معاشرے میں نماز کے ذریعہ نفسیاتی سلامتی اور نشاط پیدا کرنے کی تلاش و کوشش کرنی چاہیے۔
آیت اللہ خامنہ ای نے فرمایا ہے کہ نماز کے ذریعے ہم اپنے باطن اور روح کو پاکیزہ بنا سکتے ہیں اور خود کو گناہوں سے دور کرسکتے ہیں۔
انہوں نے نماز سے متعلق اٹھائیسویں آل ایران اجلاس کے نام اپنے پیغام میں فرمایا کہ عظیم الہی نعمتوں میں جن کا کوئی بھی شخص احصار اور شمار نہیں کرسکتا ہے بعض (نعمتوں) کا اپنا خاص اور ممتاز مقام ہے جو اہل فکر و نظر کو حیرت میں ڈال دیتی ہیں اور انہی حیرت انگیز نعمتوں میں سے ایک نعمت، نماز ہے۔
انہوں نے فرمایا کہ خداوندعالم نے یہ نعمت ہمیں عطا کی ہے تا کہ ہم اس سےاپنی روح اور باطن کو پاک و پاکیزہ بنائیں اور انسانی تعلقات کو معنویت سے سرشار کرکے معاشرے کو امن و خوشحالی اور ذہنی سکون عطا کریں اور ہر طرح کے چیلنجوں اور مشکلات سے دور کریں۔
آیت اللہ العظمیٰ خامنہ ای نے فرمایا کہ یہ ہدیہ ہمیں ایک فرض اور واجب کی شکل میں دیا گیا ہے تاکہ معاشرہ اس کی کم سے کم برکتوں سے بھی محروم نہ رہے۔
آیت اللہ العظمیٰ سید علی خامنہ ای نے فرمایا کہ یہ اتنا عظیم و غیر معمولی ہدیہ ہے جو انتہائی ناچیز مالی قیمت اور بہت ہی کم وقت صرف کرکے ہمیں مل جاتا ہے حقیقت میں اس پر اللہ کا جتنا بھی شکر ادا کیا جائے کم ہے۔
نماز سے متعلق اٹھائیسواں آل ایران اجلاس ایران کے شمالی شہر گرگان میں منعقد ہوا۔
