نیتن یاہو پوری دنیا کے امن کی تباہی کا زمہ دار ہے، لیاقت بلوچ
لیاقت بلوچ کا کہنا ہے کہ عرب حکمرانوں کا کردار شرمناک ہے، کہ وہ مظلوموں کی مدد کی بجائے ظالموں کی صفوں میں کھڑے ہیں
شیعہ نیوز: نائب امیر جماعت اسلامی پاکستان لیاقت بلوچ نے کہا ہے کہ بیت المقدس اور غزہ کی صورت حال پر عالمِ اسلام کی دانستہ خاموشی المیہ ہے۔
انہوں نے کہا کہ غزہ خوفناک خونریزی کا شکار ہے، اقوام متحدہ سمیت عالمی ادارے بے بسی اور بے حسی کا شکار ہیں۔ لیاقت بلوچ نے کہا کہ جماعت اسلامی فلسطینیوں سے یکجہتی کیلئے ملک گیر جدوجہد کرے گی، اسرائیلی وزیراعظم نیتن یاہو پوری دنیا کے امن کی تباہی کا زمہ دار ہے۔
انہوں نے کہا کہ امت مسلمہ کا کردار اتنہائی افسوسناک ہے جبکہ غزہ کے مظلوم مسلمان امت سے مایوس ہو کر اللہ کی طرف دیکھ رہے ہیں، جو بہت ہی المناک ہے۔
یہ بھی پڑھیں: تل ابیب میں نتن یاہو کی پالیسیوں کے خلاف بڑے پیمانے پر صہیونیوں کے مظاہرے
لیاقت بلوچ کا کہنا تھا کہ مظلوم کی آہ عرش ہلا دیتی ہے، اللہ کو ہماری بے حسی پر جلال آ گیا تو پھر ہم بھی نہیں بچیں گے۔
انہوں نے حکومت پاکستان سے مطالبہ کیا ہے کہ اقوام متحدہ سمیت عالمی اداروں میں غزہ کے مظلوموں کیلئے آواز اٹھائیں اور امت کو ایک پیج پر لاکر او آئی سی اس حوالے سے لائحہ عمل دے۔
لیاقت بلوچ کا کہنا ہے کہ عرب حکمرانوں کا کردار شرمناک ہے، کہ وہ مظلوموں کی مدد کی بجائے ظالموں کی صفوں میں کھڑے ہیں۔
