ایران امریکہ مذاکرات کا اگلا دور اٹلی میں منعقد ہوگا، ہالینڈ
شیعہ نیوز: ہالینڈ کے وزیر خارجہ نے کہا ہے کہ ایران اور امریکہ کے درمیان بالواسطہ مذاکرات کا اگلا دور اٹلی کے دارالحکومت میں منعقد ہوگا۔
رپورٹ کے مطابق، ہالینڈ کے وزیر خارجہ کیسپر وولکیمپ نے تہران کے جوہری پروگرام پر امریکہ اور ایران کے درمیان بالواسطہ مذاکرات کے اگلے دور کا اعلان کیا ہے جو اٹلی کے دارالحکومت روم میں منعقد ہوگا۔
نیوز نے رپورٹ دی ہے کہ روم میں مقیم دو سفارتی ذرائع نے تصدیق کی ہے کہ یہ مذاکرات 19 اپریل (اگلے ہفتے) کو ہوں گے۔
یہ بھی پڑھیں : انتہائی شرمناک بات ہے کہ نام نہاد مسلم حکمران غاصب ریاست کی مذمت کے بجائے سہولت کاری کر رہے ہیں، علامہ حسنین گردیزی
دوسری طرف ایرانی وزارت خارجہ نے اس بات پر زور دیا کہ عمان میں ہونے والے مذاکرات کی طرح آئندہ ہفتے ہونے والے مذاکرات بھی "بالواسطہ” ہوں گے اور ان میں صرف جوہری مسئلے اور پابندیوں کے خاتمے پر توجہ مرکوز کی جائے گی۔
ادھر ایران کی وزارت خارجہ کے ترجمان اسماعیل بقائی نے ہفتہ وار پریس کانفرنس کے دوران صحافیوں کو بتایا کہ "مذاکرات کا مقام اہم نہیں ہے، تاہم امریکہ کے ساتھ مذاکرات بالواسطہ اور عمان کی ثالثی میں ہوں گے”
ایران امریکہ مذاکرات کا پہلا راونڈ عمان میں ہوا۔
