حج قرعہ اندازی نہیں ہوئی، سرکاری حج کی تمام درخواستیں قبول

شیعہ نہوز: تفصیلات کے مطابق 3 دسمبر تک موصول ہونے والی تمام حج درخواستیں کامیاب قرار دے دی گئیں، سرکاری حج کے لیے اب قرعہ اندازی نہیں ہوگی۔

سرکاری اسکیم کے لیے حج درخواستیں جمع کرانے کی آخری تاریخ 3 دسمبر تھی۔ وقت مقررہ تک سرکاری اسکیم کے لیے 63400 سے زائد افراد نے درخواستیں جمع کرائی ہیں۔

یہ بھی پڑھیں: پاراچنار ڈاک نہ پہنچنے کا مسئلہ سٹینڈنگ کمیٹی میں اُٹھا دیا، ممبر قومی اسمبلی حمید حسین

سرکاری حج کے لیے 89ہزار 605 کا کوٹہ رکھا گیا تھا جس میں سے تقریباً 26 ہزار افراد نے درخواستیں جمع نہیں کروائیں۔

درخواستوں کا مرحملہ مکمل ہونے کے فوراً بعد حج پروازوں کے شیڈول کو حتمی شکل دی جائے گی اور پروازوں کے شیڈول کے مطابق مدینہ منورہ میں رہائش حاصل کی جائیں گی۔ سعودی عرب میں رہائش، خوراک اور ٹرانسپورٹ اور مکاتب کی پروکیورمنٹ مکمل کی جائے گی۔

واضح رہے کہ سرکاری حج اسکیم کے لیے قرعہ اندازی 6دسمبر کو ہونا تھی۔