معروف نوحہ خواں جناب حب علی خالق حقیقی سے جاملے

شیعہ نیوز (پاکستانی شیعہ خبر رساں ادارہ) پاکستان میں نوحہ خوانی کا ایک اور باب بند ہوگیا،پاکستان کے مشہور و معروف نوحہ خوان حاجی حب علی کا اس فانی جہان سے دار ابدی کی طرف انتقال ہوگیا ہے، حب علی طویل علالت کےبعد داعی اجل کو لبیک کہہ گئے ہیں۔

نوحہ خواں حب علی کا تعلق سندھ کےضلع سکھر سے تھا،انہوں نے صنف نوحہ خوانی میں بین الاقوامی سطح پربے پناہ شہرت حاصل کی، ان کی وفات سے نوحہ خوانی کے میدان میں جو خلاء پیدا ہوا ہے وہ مدتوں پر نہیں ہوسکے گا۔

یہ خبر بھی پڑھیں کراچی، شیعہ کافر کے نعرے لگانے والوں کے خلاف ایف آئی آر درج

ذرائع کے مطابق حب علی کراچی کے نجی اسپتال میں زیر علاج تھے اور وہیں آپ خالق حقیقی سے جا ملے ، حب علی کی نماز جنازہ سکھر میں ادا کی جائے گی اور ان کے آبائی علاقے میں ہی ان کی تدفین عمل میں لائی جائے گی۔