غاصب صیہونی وزیر دفاع کا دورہ سعودی عرب

شیعہ نیوز (پاکستانی شیعہ خبر رساں ادارہ) فلسطین الیوم نے فاش کیا ہے کہ اسرائیل کے وزیر دفاع نے سعودی عرب کا دورہ کیا ہے۔

فلسطین الیوم نے عبری ذرائع کے حوالے سے نقل کیا ہے کہ اسرائیل کے وزیر دفاع بنی گینٹزنے سعودی عرب کا دورہ کیا ہے۔ عبری ذرائع نے اس خبر کو اماراتی ذرائع کے حوالے سے نقل کرتے ہوئے لکھا ہے کہ اس سفر میں اسرائیلی وزیر دفاع نے سعودی عرب کے ساتھ ایک سو ملین ڈالر کے معاہدے پر دستخط کئے ہیں۔ اس سے قبل عرب ذرائع ابلاغ نے فاش کیا تھا کہ اسرائيل کے ایک طیارے نے پہلی بار ریاض کے ايئر پورٹ پر لینڈنگ کی ہے۔ اس وقت یہ دعوی کیا گیا تھا کہ یہ طیارہ اسرائیل کے ایک مالدار صہیونی کا ہے۔ ذرائع کے مطابق سعودی عرب کی کئي کمپنیوں نے امارات اور بحرین کی کمپنیوں کے ذریعہ اسرائیل کے ساتھ تجارتی اور اقتصادی معاہدے کئے ہیں۔