اسلامی تعاون تنظیم کی ایران پر اسرائیلی حملے کی مذمت
شیعہ نیوز: اسلامی تعاون تنظیم نے ایران کے خلاف صیہونی حکومت کی جارحیت کی شدید مذمت کرتے ہوئے اسے ملک کی خودمختاری اور بین الاقوامی قوانین کی صریح خلاف ورزی قرار دیا ہے۔
رپورٹ کے مطابق سعودی عرب کی خبر رساں ایجنسی نے آگاہ کیا ہے کہ اسلامی تعاون تنظیم نے ایران کے خلاف صیہونی حکومت کے حملے کی شدید مذمت کرتے ہوئے اسے ملک کی خودمختاری اور بین الاقوامی قوانین کی صریح خلاف ورزی قرار دیا ہے۔
یہ بھی پڑھیں : ناصبی جعلی بابا کے ہاتھوں کم سن لڑکیوں کی عزت تار تار، ویڈیومنظر عام پرآگئی
روزنامہ شرق الاوسط کے مطابق، او آئی سی نے اپنی پریس ریلیز میں خطے میں عدم استحکام کا باعث بننے والے تناو اور کشیدگی کے خلاف تنظیم کے موقف پر زور دیتے ہوئے عالمی برادری اور بااثر قوتوں سے تناؤ کو کم کرنے اور تشدد کو ختم کرنے کے لئے اپنی کوششیں بروئے کار لانے کا مطالبہ کیا۔
اس بیان میں اسلامی تعاون تنظیم نے اپنے مضبوط موقف کا اعادہ کرتے ہوئے غزہ، مغربی کنارے اور لبنان میں اسرائیلی جارحیت کو فوری طور پر روکنے کا مطالبہ بھی کیا۔
