خلیج فارس میں قانون کی خلاف ورزی پر تیل بردار بحری جہاز ضبط

شیعہ نیوز: ایران کی سپاہ پاسداران کی بحریہ نے تیل کی اسمگلنگ میں ملوث ایک غیر ملکی بحری جہاز "Betl Guse”کو اپنے قبضے میں لیا ہے۔

سپاہ پاسداران انقلاب اسلامی کی بحریہ جاری کردہ اعلامیے کے مطابق مذکورہ بحری جہاز افریقی ملک ٹوگو کے جھنڈے تلے سفر کررہا تھا اور اس پر 1,500,000 اسمگل شدہ تیل لدا ہوا تھا۔

یہ بھی پڑھیں : سیاسی مخالفین سے انتقام لینے کا یہ جارحانہ انداز ملک وقوم کے لیے شدید خطرات پیدا کر رہا ہے جسے فوری طور پر روکنا ہو گا، سینیٹر علامہ راجہ ناصرعباس

اعلامیہ میں کہا گيا ہے کہ انسداد اسمگلنگ قوانین کے تحت مذکورہ بحری جہاز کو اس کے عملے کے بارہ افراد کے ہمراہ بوشہر بندرگاہ منتقل اور مقدمہ درج کرکے کارروائی شروع کردی گئی ہے۔

عملے کے افراد کا تعلق ہندوستان اور سری لنکا سے بتایا جاتا ہے۔