ملتان، آئی ایس او کے زیراہتمام بہائوالدین زکریا یونیورسٹی میں ”سالانہ یوم حسین” کا اہتمام

شیعہ نیوز: امامیہ اسٹوڈنٹس آرگنائزیشن ملتان ڈویژن بہائوالدین زکریا یونیورسٹی یونٹ کے زیراہتمام جناح آڈیٹوریم میں ”سالانہ یوم حسین” کی تقریب کا اہتمام کیا گیا۔ کانفرنس سے حجت الاسلام والمسلمین علامہ عسکری الہدایت، خانم زہراء زیدی، آئی ایس او پاکستان کے مرکزی نائب صدر تنصیر مہدی، ہمدرد ڈیزاسٹر منیجمنٹ سیل کے چیئرمین و سابق امامیہ چیف اسکائوٹ فضل عباس نقوی ایڈووکیٹ، ڈویژنل صدر جوہر عباس، مجلس وحدت مسلمین پاکستان کے مرکزی ڈپٹی جنرل سیکرٹری سلیم عباس صدیقی، ڈائریکٹر بائیوٹک ڈیپارٹمنٹ پروفیسر ڈاکٹر سید بلال حسین شاہ، ڈی ایس اے بہائوالدین زکریا یونیورسٹی ملتان ڈاکٹر فواد رسول، ہیڈ آف اسلامیات ڈیپارٹمنٹ پروفیسر ڈاکٹر عبدالقدوس صہیب، یونیورسٹی ایڈمن حر غوری سمیت یونیورسٹی کے طلباء و طالبات نے شرکت اور خطاب کیا۔ کانفرنس سے خطاب کرتے ہوئے مقررین نے فلسفہ شہادت امام حسین علیہ السلام بیان کی۔ مقررین نے کہا کہ شہادت امام حسین علیہ السلام لازوال ہے، جس کی مثال نہیں ملتی، آج کے اس دور میں تعلیمی اداروں میں یوم حسین علیہ السلام جیسی تقاریب کا اہتمام نہایت ضروری ہے، تاکہ نئی نسل کو مقصد حسین علیہ السلام سے روشناس کرایا جائے۔