کراچی، وحدت یوتھ کے زیر اہتمام حمایت مظلومین فلسین و دفاع غزہ ریلی کا انعقاد

شیعہ نیوز: وحدت یوتھ پاکستان کراچی ڈویژن کے زیر اہتمام امام بارگاہ شہدائے کربلا انچولی سوسائٹی تا شاہراہ پاکستان حمایت مظلومین فلسین و دفاع غزہ ریلی کا انعقاد کیا گیا۔ شرکائے احتجاج سے ھئیت آئمۂ مساجد و علمائے امامیہ پاکستان کے مرکزی جوائنٹ سیکرٹری مولانا سید صادق رضا تقوی، مجلس وحدت مسلمین کراچی کے صدر مولانا صادق جعفری، علامہ مبشر حسن، علامہ حیات عباس نجفی، علامہ ملک غلام عباس، میر تقی علی ظفر نے خطاب کیا۔ اس موقع پر ایم ڈبلیو ایم کراچی کے ڈپٹی جنرل سیکرٹری کاظم رضا، آئی ایس او کراچی کے رہنما علی حیدر، آئی ایس او انچولی کے کارکنان اور وحدت یوتھ کراچی کے ٹاؤنز صدور اور کارکنان سمیت کثیر تعداد میں عاشقان فلسطین نے شرکت کی۔ شرکائے احتجاج نے فلسطینیوں سے اظہار یکجہتی و امریکا و اسرائیل سے نفرت کا اظہار کرتے ہوئے فلک شگاف نعرے بلند کئے۔ احتجاج کے اختتام پر امریکا و اسرائیل کے پرچم نذرِ آتش کئے گئے۔