شمالی وزیرستان، چیک پوسٹ پر دہشتگردوں کا حملہ ایک جوان شہید

شیعہ نیوز (پاکستانی شیعہ خبر رساں ادارہ) شمالی وزیرستان میں فورسز کی چیک پوسٹ پر دہشت گردوں کے حملے میں ایک جوان شہید ہوگیا۔

پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے گھڑیوم میں فورسز کی چیک پوسٹ پر دہشت گردوں نے حملہ کیا، جس کے جواب میں سیکیورٹی فورسز نے فوری اور مؤثر جوابی کارروائی کی۔

یہ خبر بھی پڑھیں شمالی وزیرستان میں طالبان کے حملے میں 5 پاکستانی فوجی جوان شہید

فائرنگ کے تبادلے میں 30 سالہ سپالی محمد عامر اقبال نے شدید زخمی ہونے کے بعد جام شہادت نوش کیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز کی جانب سے علاقے میں دہشت گردوں کے خاتمے کےلیے کلیئرنس آپریشن جاری ہے۔