پاکستان اور ایران کا شام میں دوطرفہ تعاون اور پیش رفت پر تبادلہ خیال

شیعہ نیوز: پاکستان کے وزیر خارجہ محمد اسحاق ڈار نے اسلامی جمہوریہ ایران کے وزیر خارجہ سید عباس عراقچی سے شام کی تازہ ترین صورتحال کے حوالے سے ٹیلیفون پر بات چیت کی۔

یہ بھی پڑھیں: شام میں دہشتگردی کارڈ کا استعمال، ترکی کے لئے 5 خطرات

دوسری جانب انسانی حقوق کے عالمی دن پر اپنے پیغام میں انہوں نے کہا ہے کہ اس دن ہمیں فلسطینی عوام کی حالتِ زار کو نہیں بھولنا چاہیے، فلسطینیوں کو غزہ اور مغربی کنارے میں اسرائیل کی وحشیانہ جارحیت کا سامنا ہے۔

وزیر خارجہ اسحاق ڈار نے بتایا کہ وزیرِ اعظم پاکستان نے کہا ہے کہ یہ دن اقوامِ عالم کو یاد دلاتا ہے کہ وہ انسانی حقوق اور اقدار کے تحفظ کی پاسداری کریں، دنیا کو اپنے دور کے سنگین ترین انسانی المیوں پر آنکھیں بند نہیں کرنی چاہئیں، دنیا کو فلسطین کے عوام کی جاری نسل کشی فوری بند کرانے کے لیے کردار ادا کرنا چاہیے۔