فلسطینی لڑکے کے چاقو حملے سے صیہونی آباد کار خاتون کو زخمی

شیعہ نیوز (پاکستانی شیعہ خبر رساں ادارہ) فلسطین کے مقبوضہ بیت المقدس شہرمیں باب السلسلہ کے قریب جمعہ کی سہ پہر ایک فلسطینی لڑکے نے چاقو کے وار کرکے صیہونی آباد کار خاتون کو زخمی کردیا۔ اسرائیلی پولیس نے حملہ آور کو گرفتار کرنے کادعویٰ کیا ہے۔

عبرانی ذرائع نے بتایا کہ ایک فلسطینی لڑکے جس کی عمر 13 سال بتائی جاتی ہے نے ایک صیہونی آباد کار خاتون پر چاقو کے وار کرکے اسے شدید زخمی کردیا گیا تھا اوراسے علاج کے لیے اسپتال لے جایا گیا ہے جہاں اس کی حالت خطرے میں بیان کی جاتی ہے۔ اسرائیلی پولیس نے فلسطینی لڑکے کو حراست میں لینے کے بعد نامعلوم مقام پر منتقل کردیا گیا ہے۔

ذرائع نے نشاندہی کی کہ قابض فورسز واقعے کےبعد جائے وقوعہ کے آس پاس کا گھیراؤ کرکے سرچ آپریشن شروع کردیا۔ چھان بین اور تلاشی کی کارروائیوں کی وجہ سے علاقے میں کشیدگی پائی جا رہی ہے۔

قبل ازیں ایک روز قبل اسرائیلی خاتون فوجی بھی مغربی کنارے کے شہر رام اللہ کے مغرب میں ایک فلسطینی نوجوان کی طرف سے کیے گئے چھریوں کے وار سے زخمی ہوگئی تھی۔

خیال رہے کہ باب السلسلہ کے سامنے 40 دن قبل اسرائیلی فوج کی فائرنگ سے ایک فلسطینی لڑکا شہید ہوگیا تھا۔ اس واقعے کے بعد وہاں پرکئی بار قابض فوج اور فلسطینیوں کے درمیان جھڑپیں ہو چکی ہیں۔