واشنگٹن میں فلسطین کے حامیوں کا بنجمن نیتن یاھو کی آمد پر احتجاج

شیعہ نیوز: امریکی دارالحکومت واشنگٹن میں فلسطین کے حامیوں نے وائٹ ہاؤس کے سامنے جمع ہو کر قابض اسرائیل کے وزیرِ اعظم بنجمن نیتن یاھو کی امریکہ آمد کے خلاف پرزور احتجاج کیا۔ مظاہرین نے فلسطینی پرچم اٹھا رکھے تھے اور بینروں پر “اسرائیل کی ہتھیاربندی بند کرو”، “فلسطین زندہ باد” اور “نیتن یاھو اشتہاری ہے” کے نعرے درج تھے۔

یہ احتجاج اس وقت ہوا جب نیتن یاھو ایک سرکاری دورے پر واشنگٹن پہنچے جہاں وہ امریکی صدر ڈونلڈ ٹرمپ سے ملاقات کریں گے۔ ملاقات کا مقصد حماس سے قیدیوں کے تبادلے اور غزہ میں جنگ بندی کے حوالے سے معاہدہ طے پانا ہے۔

یہ بھی پڑھیں : شمالی غزہ میں بڑی مزاحمتی کارروائی، 5 اسرائیلی فوجی ہلاک، 10 سے زائد زخمی

ادھر امریکی صدر ڈونلڈ ٹرمپ نے نیو جرسی کے ہوائی اڈے پر صحافیوں کو بتایا کہ غزہ میں جنگ بندی اور قیدیوں کے تبادلے پر اتفاق "قریب ہے”۔

یاد رہے کہ سنہ2023ء کے اکتوبر سے قابض اسرائیل امریکہ کی مکمل حمایت میں غزہ میں نسل کشی کی وحشیانہ مہم چلا رہا ہے، جس میں قتلِ عام، قحط، تباہ کاری اور جبری بے دخلی شامل ہے۔ بین الاقوامی برادری کی اپیلیں اور عالمی عدالت انصاف کے احکامات بھی اس ظلم کو روکنے میں ناکام رہے ہیں۔

اب تک اس نسل کشی میں 193 ہزار سے زائد فلسطینی شہید یا زخمی ہو چکے ہیں، جن میں اکثریت معصوم بچے اور خواتین کی ہے۔ مزید 10 ہزار سے زائد افراد لاپتہ ہیں جبکہ لاکھوں فلسطینی بے گھر ہو چکے ہیں۔