پاراچنار کے واحد کمیونٹی سنٹر کو تزئین و آرائش کے بعد شہریوں کیلئے دوبارہ فعال کیا جائے گا،تحصیل میئر مزمل حسین
اس سنٹر سے نہ صرف شہری غمی خوشی کے تقاریب منعقد کرتے تھے بلکہ دیگر سماجی تقریبات بھی منعقد کرائے جاتے تھے لیکن بدقسمتی سے انضمام کے بعد عدم توجہی کے باعث خستہ حالی کا شکار ہوگیا تھا۔
شیعہ نیوز : پاراچنار اسسٹنٹ کمشنر پاراچنار افراسیاب ہندل اور تحصیل چیئرمین مولانا مزمل حسین نے کہا ہے کہ پاراچنار شہر کی واحد کمیونٹی سنٹر کو تزئین و آرائش کے بعد شہریوں کیلئے دوبارہ فعال کیا جائے گا۔ کمیونٹی سنٹر پاراچنار میں منعقدہ اجلاس میں ضلعی انتظامیہ کے علاؤہ عمائدین اور شہریوں نے کثیر تعداد میں شرکت کی۔ شہریوں نے پاراچنار شہر کی واحد کمیونٹی سنٹر کو پاراچنار کا اثاثہ قرار دیتے ہوئے اسے فعال کرنے کا مطالبہ کیا۔
یہ بھی پڑھیں: مجلس وحدت مسلمین اس وقت قوم کی امیدوں کا مرکز بن چکی ہے اور ہمیں ہر فورم پر قوم کے حقوق کا دفاع کرنا ہے، علامہ مقصود ڈومکی
اس موقع پر پروفیسر جمیل کاظمی ، محمود جان طوری ، چیئرمین سید اخلاق حسین، سماجی رہنماء یوسف لالہ، قاضی ابرار اور دیگر نے کہا کہ پولٹیکل ایجنٹ ضلع کرم ارباب شہزاد نے شہریوں کی ضرورت اور مشکلات کو مدنظر رکھتے ہوئے سال 1994ء میں اسے سب جیل سے کمیونٹی سنٹر میں تبدیل کردیا، اس سنٹر سے نہ صرف شہری غمی خوشی کے تقاریب منعقد کرتے تھے بلکہ دیگر سماجی تقریبات بھی منعقد کرائے جاتے تھے لیکن بدقسمتی سے انضمام کے بعد عدم توجہی کے باعث خستہ حالی کا شکار ہوگیا تھا۔
اس موقع پر اسسٹنٹ کمشنر افرسیاب ہندل اور تحصیل چیئرمین مزمل حسین نے کہا کہ شہریوں کی ضروریات کو مدنظر رکھتے ہوئے اسے عوام کیلئے جلد از جلد فعال بنائیں گے انہوں نے کہا کہ یہ صرف اور صرف شہری اثاثہ ہے اس پر قبضہ گروپ کا تصرف ہر گز برداشت نہیں کی جائے گی عمائدین اور شہریوں نے ضلعی انتظامیہ اور تحصیل چیئرمین کے اس اقدام پر انہیں داد دی۔
