پاراچنار، شہید لانس نائیک ناصر حسین کی نماز جنازہ ادا کردی گئی

شیعہ نیوز (پاکستانی شیعہ خبر رساں ادارہ) گزشتہ شب پاک افغان بارڈر شورکو لوئر کرم کے مقام پر دہشتگردوں سے فائرنگ کے تبادلے میں شہید ہونے والے لانس نائیک ناصر حسین کی نماز جنازہ ادا کردی گئی۔

لانس نائیک 114 وینگ کرم ملیشیاء شہید ناصر حسین ولد نوروز علی سکنہ شلوزان کی نماز جنازہ ایف سی گراونڈ پاراچنار میں مدرسہ جعفریہ پاراچنار کے مولانا اقبال حسین کی اقتداء میں ادا کردی گئی۔

یہ خبر بھی پڑھیں بنوں آپریشن، 25 دہشتگرد ہلاک 2 سیکیورٹی اہلکار شہید

نماز جنازہ میں بریگیڈئیر شہزاد عظیم، ڈپٹی کمشنر کرم واصل خان خٹک، ڈسٹرکٹ پولیس آفیسر کرم عبدالصمد، کمانڈنٹ کرم ملیشیاء تیمور سلطان، ایڈیشنل ڈپٹی کمشنر کرم معظم خان بنگش سمیت سول و عسکری حکام نے کثیر تعداد میں شرکت کی۔ نماز جنازہ کے بعد شہید کی روح کے ایصال ثواب کے لیے فاتحہ خوانی اور بلندی درجات کے لیے دعا کی گئی۔