غزہ میں امن کے بغیر دنیا میں امن قائم نہیں ہوسکتا، شہباز شریف

شیعہ نیوز: پاکستان کے وزیراعظم شہباز شریف نے کہا کہ غزہ میں امن کے بغیر دنیا میں امن قائم نہیں ہوسکتا، فلسطین میں قیام امن بہت ضروری ہے۔

پاکستانی میڈیا نے خبر دی ہے کہ وزیراعظم شہبازشریف نے سعودی عرب کے دارالحکومت ریاض میں عالمی اقتصادی فورم کے خصوصی اجلاس کے اختتامی سیشن میں شرکت کی۔

یہ بھی پڑھیں : کولمبیا یونیورسٹی کا فلسطین کے حامی طلبہ کو معطل کرنا شروع

اپنے خطاب میں انہوں نے کہا کہ 2022 میں موسمیاتی تبدیلی کی وجہ سے پاکستان میں تباہی آئی، پاکستان کا شمار ان ممالک میں ہوتاہے جن کا موسمیاتی تبدیلی میں کوئی کردار نہیں لیکن موسمیاتی تبدیلی کی وجہ سے پاکستان بری طرح متاثر ہوا۔

شہباز شریف نے کہا کہ غزہ میں امن کے بغیر دنیا میں امن قائم نہیں ہوسکتا، فلسطین میں قیام امن بہت ضروری ہے۔