پشاور، آئی ایس او کے زیراہتمام بمناسبت ولادت حضرت امام مہدی (عج) پروگرام کا انعقاد
اس پرنور محفل میں ریجنل کابینہ کے اراکین سمیت سینئر احباب اور کثیر تعداد میں کیمپس بھر سے طلبہ نے شرکت کی، اس دوران کوئز مقابلہ بھی ہوا، جس میں درست جواب دینے والوں کو انعامات سے نوازا گیا
شیعہ نیوز: امامیہ اسٹوڈنٹس آرگنائزیشن پاکستان خیبر پختونخوا ریجن ضلع پشاور کے زیر اہتمام پرل لان یونیورسٹی آف پشاور میں کیمپس یونٹس کا مشترکہ پروگرام بمناسبت ولادت با سعادت حضرت امام مہدی عج کا انعقاد کیا گیا، جس کا باقاعدہ آغاز تلاوت قرآن پاک اور خطبہ نہج البلاغہ سے کیا گیا۔
بعد ازاں مولانا احسان اللہ محسنی اور سابق ڈویژنل صدر کشمیر ڈویژن تنصیر عباس نے شرکاء سے خطاب کیا۔ پروگرام میں عابد رضا اور دیگر نے منقبت خوانی کی۔ اس پرنور محفل میں ریجنل کابینہ کے اراکین سمیت سینئر احباب اور کثیر تعداد میں کیمپس بھر سے طلبہ نے شرکت کی۔
یہ بھی پڑھیں: کوئٹہ، سید الشہدا ویلفئیر کی جانب سے 16 جوڑوں کی اجتماعی شادی کی تقریب
اس پرنور محفل میں ریجنل کابینہ کے اراکین سمیت سینئر احباب اور کثیر تعداد میں کیمپس بھر سے طلبہ نے شرکت کی، اس دوران کوئز مقابلہ بھی ہوا، جس میں درست جواب دینے والوں کو انعامات سے نوازا گیا۔ آخر میں ضلعی صدر سید نجم الحسن نے اختتامی کلمات ادا کئے۔ پروگرام کا اختتام دعا امام زمانہ عج سے کیا گیا اور آخر میں کیک بھی کاٹا گیا۔
