فرعونوں اور ظالموں سے بیزاری حضرت عیسیٰ کی تعلیمات میں سے ہے۔
شیعہ نیوز (پاکستانی شیعہ خبر رساں ادارہ) آیت اللہ العظمیٰ خامنہ ای کے دفتر نے اپنے ٹویئیٹر پیج پر لکھا ہے کہ حضرت عیسیٰ ؑ کی صحیح معنوں میں پیروی تبھی ممکن ہے کہ جب راہ عدل و انصاف کو اپناتے ہوئے دنیا کی ظالم طاقتوں سے اظہار نفرت و بیزاری کیا جائے۔
حضرت عیسیٰؑ کی یو م ولادت با سعادت اور کرسمس کے موقع پرآیت اللہ العظمیٰ خامنہ ای کے دفتر نے سوشل میڈیا کے اپنے ٹویئیٹر پیج پر لکھا ہے کہ توقع کی جاتی ہے کہ دنیا بھر میں جہاں کہیں بھی عیسائی اور مسلمان زندگی گزار رہے ہوں وہ عدل و انصاف کی پیروی اور ظالم طاقتوں سے اظہار نفرت و بیزاری کو اپنی زندگی اور کردار کا حصہ بنائیں گے اس لئے کہ یہ درس حضرت عیسیٰؑ کا ہے۔
اس پیغام کے ایک اور حصے میں آیا ہے کہ بہت سے ایسے افراد ہیں جو حضرت عیسیٰؑ کی پیروی کا دعوی تو کرتے ہیں لیکن عملی طور پر انہوں نے کسی اور راستے کا انتخاب کیا ہے۔ اس پیغام میں آیا ہے کہ خدا کی عبادت و پرستش اور زمانے کے فرعونوں اور ظالموں سے مقابلہ حضرت عیسیٰؑ ابن مریم کی تعلیمات میں سے ہے۔
حضرت عیسیٰؑ جنھیں قرآن مجید نے روح اللہ کے نام سے پکارا ہے حضرت مریم (س) کے فرزند ہیں۔
