عراق کے خلاف جاری امریکی صیہونی منصوبوں کا مقابلہ کرنا ہوگا، سیاسی رہنم
شیعہ نیوز: عراقی حکومت کی حلیف جماعت ایک نے رکن ملک میں امریکی فوج کی مشکوک نقل و حرکت سے خبردار کرتے ہوئے اعلان کیا کہ شہید قاسم سلیمانی اور ابو مہدی المہندس کے خون کو پامال کرنے کی اجازت نہیں دی جائے گی۔”
رپورٹ کے مطابق عراقی حکومت کی حلیف جماعت کے رکن آمال الدین الھر نے ملک میں امریکی فوج کی مسلسل موجودگی کے بارے میں خبردار کیا ہے۔
انہوں نے مزید کہا کہ عراق میں امریکی فوج کی مسلسل موجودگی براہ راست خطرہ اور ان سازشوں کا اظہار ہے جو عراق اور خطے کے خلاف تیار کی گئی ہیں۔
یہ بھی پڑھیں : جوہری پروگرام کی معطلی اور چھان بین کی خبر، ایران کی سخت تردید
الھر نے زور دیا کہ عراق کی سرزمین پر جدید امریکی اڈوں کی موجودگی ملک کو غیر مستحکم کرنے کے امریکی صیہونی منصوبے کا واضح ثبوت ہے۔
انہوں نے مزید کہا کہ امریکی افواج عراقی قوانین کے تابع نہیں ہیں اور وہ کھلے عام صیہونی حکومت کی حمایت کرتی ہیں، جس کے لیے اس فوجی موجودگی کا مقابلہ کرنے کے لیے ایک سنجیدہ قومی موقف کی ضرورت ہے۔
عراقی رہنما نے واضح کیا کہ امریکہ اور صیہونی حکومت پورے خطے کو تباہ کرنے کے درپے ہیں اور عراق بھی ان کے منصوبوں کی زد میں ہے۔
انہوں نے خبردار کیا کہ شہید قاسم سلیمانی اور ابو مہدی المہندس کے خون کو پامال کرنے کی اجازت نہیں دی جائے گی۔
