کیوبا بھی اسرائیل کے خلاف میدان میں آگيا
شیعہ نیوز:کیوبا کی وزارت خارجہ نے ہفتے کی صبح ایک بیان جاری کرکے کہا ہے کہ کیوبا کی حکومت نے فلسطینی عوام کے خلاف نسل کشی کے لئے جاری قانونی کوششوں میں تعاون اور اس کی حمایت کے لئے یہ فیصلہ کیا ہے کہ وہ عالمی عدالت انصاف میں اسرائيل کے خلاف جنوبی افریقہ کے مقدمے کا حصہ بنے۔
ہوانا نے اپنے بیان میں واضح کیا ہے کہ اسرائيل ایک غاصب حکومت کے طور پر امریکہ کی حمایت اور اس کی شراکت کے ساتھ، جینیوا کے چوتھے کنونشن کے تحت اپنی ذمہ داریوں کو نظر انداز کر رہا ہے۔
کیوبا کے سرکاری بیان میں کہا گيا ہے کہ آج کی دنیا میں نسل کشی، نسلی امتیاز، جبری جلا وطنی اور اجتماعی سزا دینے کی کوئی گنجائش نہيں ہے اور عالمی برادری یہ برداشت نہيں کرے گی۔ واضح رہے جنوبی افریقہ نے نسل کشی کے لئے صیہونی حکومت کے خلاف عالمی عدالت انصاف میں مقدمہ دائر کر رکھا ہے جس کے ابتدائی فیصلے میں صیہونی حکومت کو پابند کیا گيا ہے کہ وہ غزہ میں نسل کشی روکنے کے لئے اقدام کرے۔
در ایں اثنا، عالمی عدالت انصاف کے اٹارنی جنرل کریم خان نے صیہونی وزیر اعظم نیتن یاہو اور وزير جنگ گالانٹ کو جنگی جرائم اور انسانیت کے خلاف جرم کے لئے گرفتار کئے جانے کا مطالبہ کیا ہے۔
