کوئٹہ، شہید علامہ حسن نصراللہ کی شہادت کے سلسلے میں فاتحہ خوانی

شیعہ نیوز: حزب اللہ کے سربراہ حسن نصراللہ کی شہادت کے سلسلے میں کوئٹہ میں فاتحہ خوانی کا انعقاد کیا گیا۔ علمدار روڈ پر واقعہ مسجد و امامبارگاہ حسینی ہزارہ نچاری کی جانب سے لبنان میں شہید ہونے والے مزاحمتی تحریک کے سربراہ علامہ سید حسن نصراللہ کے ایصال ثواب کے لئے فاتحہ خوانی و قرآن خوانی کا اہتمام کیا گیا۔ اس موقع پر علاقے کے معتبرین، علماء کرام سمیت دیگر افراد نے مجلس فاتحہ خوانی میں شرکت کی اور حسن نصراللہ کی شہادت پر تعزیت کا اظہار کیا۔