بجٹ 2024, ٹیکسوں کی بھرمار کر کے عام آدمی کے معاشی بوجھ میں ناقابل برداشت اضافہ کر دیا گیا ہے،سینیٹر علامہ راجہ ناصرعباس
مہنگائی نے عام آدمی کی زندگی کو پہلے ہی اذیت سے دوچار کر رکھا ہے، موجودہ بجٹ نے رہی سہی کسر بھی نکال دی ہے۔
شیعہ نیوز : سربراہ مجلس وحدت مسلمین پاکستان سینیٹر علامہ راجہ ناصرعباس جعفری نے ایکس x پر جاری اپنے بیان میں کہا ہے کہ بجٹ 2024, ٹیکسوں کی بھرمار کر کے عام آدمی کے معاشی بوجھ میں ناقابل برداشت اضافہ کر دیا گیا ہے۔ سرمایہ دار طبقے کو بچانے کے لیے ملازمین کی تنخواہوں پر ٹیکس میں مزید اضافہ حکومت کا ظالمانہ اقدام ہے۔متوسط طبقے کو ریلیف دینے کی بجائے اس پر اضافی بوجھ ڈال دیا گیا ہے۔ مہنگائی نے عام آدمی کی زندگی کو پہلے ہی اذیت سے دوچار کر رکھا ہے، موجودہ بجٹ نے رہی سہی کسر بھی نکال دی ہے۔
یہ بھی پڑھیں: اپریل تا جون پاک فوج کی کارروائیوں میں 181 دہشتگرد مارے گئے
حکومت نے سال 2024میں ٹیکس چھوٹ کی مد میں تین ہزار نو سو ارب روپے کا دوسروں کو فائدہ پہنچا کر ملک کو معاشی تباہی کے دہانے پر لاکھڑا کیا ہے۔مخصوص تاجر طبقوں کو ٹیکسوں میں دی جانے والی چھوٹ اور بے جا مراعات کے اضافی اخراجات پورے کرنے کے لیے بجٹ میں عام آدمی پر ہر ٹیکسز لگا دیے گئے ہیں۔جس اذیت سے قوم آج گزر رہی ہے گزشتہ ستر سالوں میں ایسا کرب ناک وقت قوم نے نہیں دیکھا۔
