سربراہ مجلس وحدت مسلمین پاکستان سینیٹر علامہ راجہ ناصرعباس کی مرجع عالی قدر آیت اللہ حافظ بشیر نجفی سے ملاقات

شیعہ نیوز: سربراہ مجلس وحدت مسلمین پاکستان سینیٹر علامہ راجہ ناصر عباس جعفری (حفظہ اللہ) کی وفد کے ہمراہ نجف اشرف میں مرجع عالی قدر آیت اللہ العظمى الشيخ بشیر نجفی (حفظہ اللہ) سے ملاقات ۔

تفصیلات کے مطابق مجلس وحدت مسلمین پاکستان کے چیئرمین سینیٹرعلامہ راجہ ناصر عباس جعفری (حفظہ اللہ) اور ایم-ڈبلیو-ایم کے سیکرٹری امورِ خارجہ ڈاکٹر علامہ سید شفقت حسین شیرازی (حفظہ اللہ) نے 29 اگست 2024ء کو ایم-ڈبلیو-ایم نجف اشرف کے وفد کے ہمراہ مرجع عالی قدر آیت اللہ شیخ بشیر حسین نجفی (مد ظلہ الوارف) سے ملاقات کی۔

یہ بھی پڑھیں: علامہ عارف واحدی نے کالاباغ میں شیعہ شہادتوں کا ذمہ دار پولیس کو قرار دیدیا

اس ملاقات میں علامہ راجہ ناصر عباس (حفظہ اللہ) نے آیت اللہ بشیر نجفی(مد ظلہ الوارف) کی خدمت میں سلامِ عقیدت عرض کیا اور مختلف امور میں انکے تعاون پر انکا شکریہ ادا کیا۔ علاوہ ازیں اس ملاقات میں متعدد امور پر بھی گفتگو ہوئی۔

آیت اللہ بشیر حسین نجفی (حفظہ اللہ) نے چیئرمین ایم-ڈبلیو-ایم علامہ راجہ ناصر عباس جعفری(حفظہ اللہ) اورسیکرٹری امورِ خارجہ علامہ سید شفقت شیرازی(حفظہ اللہ) کے وفد کے ہمراہ تشریف لانے پر انکا شکریہ ادا کیا اور آئندہ بھی ہر ممکنہ تعاون کی یقین دہانی کروائی۔