حزب اللہ کے ممکنہ سربراہ سید ہاشم صفی الدین اور حماس کے سربراہ یحییٰ سنوار کی اسرائیلی حملے میں شہادت پر احتجاجی ماتمی ریلی

شیعہ نیوز : مجلس وحدت مسلمین پاکستان کراچی ڈویژن ضلع وسطی کی جانب سے حزب اللہ کے ممکنہ سربراہ سید ہاشم صفی الدین اور حماس کے سربراہ یحییٰ سنوار کی اسرائیلی دردندوں کے حملے میں شہادت پراحتجاجی ماتمی ریلی جمعرات 24اکتوبر 2024 بعد نماز مغربین ، امام بارگاہ شہدائے کربلا انچولی سوسائٹی بلاک 20 تا شاہراہ پاکستان نکالی گئی جس میں عاشقان اہل بیت ع و القدس نے کثیر تعداد میں شرکت کی۔

ماتمی ریلی سے خطاب مجلس وحدت مسلمین پاکستان صوبہ سندھ کے نائب صدر علامہ مختار امامی، ڈویژنل صدر کراچی علامہ صادق جعفری، سیکرٹری تبلیغات علامہ حیات عباس نجفی، سیکرٹری سیاسیات کراچی علامہ مبشر حسن اور ضلعی صدر علامہ ملک غلام عباس نے کیا۔

یہ بھی پڑھیں: حماس رہنما یحییٰ سنوار اور حزب اللہ رہنما سید ہاشم صفی الدین کی شہادت پر ایم ڈبلیوایم کراچی کا احتجاجی مظاہرہ

مقررین نےکہا کہ اسماعیل ہنیہ، سید حسن نصر اللہ ، یحییٰ سنوار ، ھاشم صفی الدین جیسے عظیم قائدین کی شہادت اسلام کی روح و تروتازہ اور اسرائیل اور عالمی استکبار کی جڑوں ہلارہی ہے ۔ بیت المقدس قبلہ اول کی آزادی کی راہ میں دی جانے والی ان لازوال قربانیوں کے نتیجے میں انشاءاللہ قابض اسرائیل کا وجود جلد صفحہ ہستی سے محو ہونے والا ہے۔