گلگت، روندو کے زلزلہ متاثرین کی آغاراحت الحسینی سےملاقات

شیعہ نیوز (پاکستانی شیعہ خبر رساں ادارہ) سرزمین گلگت کے معروف عالم دین علامہ سید راحت حسین الحسینی سے روندو کے زلزلہ متاثرین نے ملاقات کی۔

ملاقات میں زلزلہ متاثرین کو اب تک حکومتی عدم توجہی اور مسلسل نظر انداز کرنے پر 25 نومبر کو سکردو جگلوٹ روڈ پر دھرنا دینے کے حوالے سے حمایت کی اپیل کی گئی۔

یہ خبر بھی پڑھیں ایام منانے سے آگے بڑھ کر اقوام متحدہ کو کردار بھی ادا کرنا ہوگا

اس موقع پر آغا راحت نے اب تک زلزلہ متاثرین کی داد رسی اور متاثرین کی بحالی نہ ہونے پر افسوس کا اظہار کیا اور کہا کہ حکومت زلزلہ متاثرین کی بحالی کے لیےفوری اقدامات اٹھائے۔

انہوں نے زلزلہ متاثرین کے حقوق کے لیے دیئے جانے والے دھرنے کی حمایت کا اعلان کیا۔ آغا راحت حسین نے حکومتی عہدیداروں اور حکام بالا تک زلزلہ متاثرین کی آواز کو پہنچانے کی یقین دہانی کرائی۔