روس کا یوکرین کے شمالی شہر سومی پر شدید میزائل حملہ

شیعہ نیوز: یوکرین پر روس کے میزائل حملے میں کم از کم بتیس افراد ہلاک اور اسّی زخمی ہو گئے ہیں۔

میڈیا ذرائع کے مطابق روس کا یہ حملہ یوکرین کے شمالی شہر سومی کے مرکز میں ہوا ہے۔

یوکرین کے صدر ولادیمیر زیلنسکی نے روسی حملے کی شدید الفاظ میں مذمت کرتے ہوئے اسے دہشت گردی قرار دیا ہے اور عالمی برادری سے روس کے خلاف سخت ردعمل کا مطالبہ کیا ہے۔

یہ بھی پڑھیں : عالمی توانائی ایجنسی کے سربراہ رواں ہفتے ایران کا دورہ کریں گے

یوکرینی صدر نے حملے کی ویڈیو بھی شئیر کی ہے جس میں حملے کے نتیجے میں ہلاک ہونے والوں کی لاشیں اور تباہ شدہ گاڑیاں دکھائی دے رہی ہیں۔

یوکرینی صدر زیلنسکی نے امریکہ اور یورپ سے روس پر سخت دباؤ ڈالنے کا مطالبہ بھی کیا ہے۔

ان کا کہنا تھا کہ روس اسی قسم کا خوف پھیلانا چاہتا ہے اور یہی وجہ ہے کہ وہ جنگ کو طول دے رہا ہے۔

ان کا کہنا ہے کہ دونوں ممالک کے درمیان مذاکرات کبھی بیلسٹک میزائلوں اور فضائی بمباری کو نہیں روک سکتے۔

رپورٹوں میں یوکرین پر ہونے والا یہ حملہ، رواں برس کا سب سے ہلاکت خیز حملہ بتایا گیا ہے۔