دہشت گردی کے خلاف جنگ میں بشار الاسد کی حمایت جاری رکھیں گے، روس

شیعہ نیوز: روس کے حکومتی ترجمان نے کہا کہ ماسکو دہشت گردی کے خلاف جنگ میں شامی حکومت کی حمایت جاری رکھے گا۔

اسپوتنک نیوز نے بتایا ہے کہ روسی حکومت کے ترجمان دمتری پیسکوف نے شام کے شمال مغربی علاقوں پر دہشت گرد گروہوں کے حملوں کے خلاف دمشق کی حمایت جاری رکھنے کے عزم کا اظہار کیا۔

یہ بھی پڑھیں : شام کی صورتحال پر تشویش ہے، دمشق حکومت کی حمایت کرتے ہیں، بیجنگ

انہوں اس بات پر زور دیا کہ ماسکو دہشت گردی کے خلاف جنگ میں شام کے صدر بشار الاسد کی حمایت جاری رکھے گا۔

روس کے حکومتی ترجمان نے مزید کہا کہ ہم اعلی سطح پر رابطے جاری رکھے ہوئے ہیں اور حالات کا بغور جائزہ لے رہے ہیں۔

دمتری پیسکوف نے واضح کیا کہ دہشت گردوں کے خلاف آپریشن اور حالات کو مستحکم کرنے کے سلسلے میں شامی حکومت کے ساتھ مل کر ضروری اقدامات کر رہے ہیں۔