صدر ٹرمپ کا منصوبہ صدی کا سب سے نفرت انگیز منصوبہ ہے۔ روحانی

شیعہ نیوز (پاکستانی شیعہ خبر رساں ادارہ) ایرن کے صدر حسن روحانی نے مشرق وسطیٰ کیلئے ٹرمپ کے نام نہاد امن منصوبے کو صدی کا سب سے نفرت انگیز منصوبہ قرار دے دیا۔

ان خیالات کا اظہار ڈاکٹر حسن روحانی نے بدھ کی رات ایک ٹوئٹر پیغام میں کیا۔

انہوں نے مزید کہا کہ اب ان بیوقوفانہ اقدمات کی حد ہوگئی ہے۔

اس سے پہلے بھی ایران کے وزیر خارجہ نے جنوبی افریقہ میں نسل پرستی کی پالیسیوں پر تبصرہ کرتے ہوئے امریکی تجویز کردہ صدی کی ڈیل منصوبہ کو جہنم کی طرف ایک شاہراہ قرار دے دیا۔

انہوں نے مزید کہا کہ کیا منڈیلا جنوبی افریقہ کی آزادی کے کئی عشروں بعد، بنٹوٹسن کے دوبارہ وجود میں آنے کا تصور کرسکتا تھا؟

ظریف نے مزید کہا کہ امریکی وژن برائے امن ’’جہنم کی شاہراہ‘‘ کی طرح لگتا ہے۔

ایرانی وزیر خارجہ نے کہا کہ ہم مسلمانوں کو بیدار ہونے کی ضرورت ہے؛ امریکہ کبھی بھی ایماندار دلال کی طرح نہیں رہا اور نہ ہی ہوگا۔

ظریف نے اپنے پیغام میں ہش ٹیک #Unite۴Palestine کا استعمال کیا اور جنوبی افریقہ اور مغربی افریقہ کے نسل پرست حکومت بنٹوٹسن کے دو نقشوں سمیت فلسطین کیلئے امریکی نام نہاد امن منصوبے کے نقشے کو بھی شائع کیا۔

اس کے علاوہ ایران کے وزیر خارجہ نے اس سے پہلے ایک اور ٹوئٹر پیغام میں امریکی نام نہاد امن منصوبہ صدی کی ڈیل کو خطے اور دنیا کیلئے ایک ڈراؤنا خواب قرار دے دیا۔

ظریف نے ایک ٹوئٹر پیغام میں مزید کہا کہ امریکہ کا ’’نام نہاد امن وژن‘‘ صرف ایک ناکام ریل اسٹیٹ ڈویلپر کا خام خیالی منصوبہ ہے۔

جواد ظریف نے اس امید کا اظہار کردیا کہ وہ مسلمان جنہوں نے غط راستے کو اپنانے ہیں، اسی اقدام کے ذریعہ ہوشیار ہو کر صحیح راستے پر گامزن رہیں۔

ایرانی وزیر خارجہ نے اپنے ٹوئٹر پیغام میں ہش ٹیک ’’آئیں فلسطینیوں کیلئے متحد ہوجائیں‘‘ کا استعمال کیا۔

یہ بات قابل ذکر ہے کہ امریکی صدر ڈونلڈ ٹرمپ نے ناجائز صیہونی ریاست کے وزیراعظم نیتن یاہو کے ساتھ وائٹ ہاؤس میں مشترکہ پریس کانفرنس میں مشرق وسطیٰ میں قیام امن کے لیے اپنا منصوبہ پیش کیا۔