مآرب میں سعودی اتحاد کا ڈرون طیارہ تباہ
شیعہ نیوز:یمن کے عسکری ذرائع نے کہا ہے صوبہ مآرب میں سعودی اتحاد کی فضائیہ کے ایک اور ڈرون طیارے کو سرنگون کردیا گیا ہے۔
اس رپورٹ کے مطابق یہ ڈرون طیارہ جاسوسی کی کارروائی میں مصروف تھا کہ اسے مار گرایا گیا۔
دوسری جانب فارس نیوز ایجنسی کی رپورٹ کے مطابق یمنی فوج اور رضاکار فورسز کی مآرب شہر کے مرکزی علاقے کی جانب تیز رفتار پیشقدمی کا سلسلہ جاری ہے اور اس شہر کے مرکز کی آزادی ریاض کی حمایت یافتہ منصور ہادی کی حکومت کے لئے کاری ضرب ہوگی۔
در ایں اثناء لبنانی ذرائع ابلاغ الاخبار نے اپنی رپورٹ میں کہا ہے کہ سعودی عرب نے مآرب کی آزادی میں رکاوٹ ڈالنے کے لئے ہزاروں کی تعداد میں انتہا پسندوں، داعش اور القاعدہ کے دہشت گردوں کو روانہ کر دیا ہے لیکن یہ سب بھی یمنی فوج اور رضاکار فورس کی پیشرفت روک نہیں پا رہے ہیں۔
سعودی عرب اور اس کے بعض اتحادی ممالک، امریکہ اور دیگر ملکوں کی حمایت سے مارچ دوہزار پندرہ سے یمن پر وحشیانہ حملے کررہے ہیں اس عرصے میں دسیوں ہزار یمنی شہری شہید اور زخمی ہوگئے – جارح سعودی اتحاد کے وحشیانہ حملوں میں دسیوں لاکھ یمنی شہری بے گھر بھی ہوئے ہیں-
سعودی عرب اپنے تمام تر وحشیانہ حملوں کے باوجود اپنا ایک بھی مقصد اب تک حاصل نہیں کرسکا – پچھلے چند برسوں کے دوران یمن کی فوج اور عوامی رضاکار فورس کی دفاعی طاقت میں غیر معمولی اضافہ ہوا ہے اور محاصرے کے باوجود یمنی فورسز کی دفاعی طاقت میں روز بروز اضافہ ہو رہا ہے۔
