شامی ایئر ڈیفنس نے اسرائیل کے میزائل حملوں کو ناکام بنادیا
شیعہ نیوز (پاکستانی شیعہ خبر رساں ادارہ) شامی ذرائع ابلاغ نے پیر کی صبح دارالحکومت دمشق پر اسرائیلی حکومت کے میزائلی حملوں کی خبر دی ہے۔
شام کی سرکاری خبررساں ایجنسی سانا نے اعلان کیا ہے کہ شام کے ایئر ڈیفنس سسٹم نے ان میزائلی حملوں کو ناکام بنا دیا ہے۔
سانا کی رپورٹ کے مطابق شامی فوج کے فضائی دفاعی سسٹم نے صیہونی حکومت کے تمام میزائلوں کو تباہ کردیا ہے۔
صیہونی حکومت ، دہشت گردوں کی مدد کے لئے شامی فوج کے اڈوں اور بنیادی تنصیبات کو نشانہ بنا رہی ہے۔
شام کا بحران دوہزارگیارہ سے سعودی عرب، امریکہ اور اس کے اتحادیوں کے حمایت یافتہ دہشت گردوں کی یلغار سے شروع ہوا ہے اور اس کا مقصد علاقے کے توازان کو صیہونی حکومت کے حق میں تبدیل کرنا ہے۔
شام کی فوج نے ایران کی مشاورتی مدد اور روس کی حمایت سے اس ملک میں داعش دہشت گرد گروہ کا خاتمہ کر دیا ہے اور دوسرے دہشت گرد گروہ بھی جلد ہی مکمل شکست سے دوچار ہوجائیں گے۔
