جماعت اسلامی کی منافقت، ایس یو سی نے ملی یکجہتی کونسل کا بائیکاٹ کر دیا
شیعہ نیوز (پاکستانی شیعہ خبر رساں ادارہ) شیعہ علما کونسل صوبہ پنجاب نے ملی یکجہتی کونسل کے صوبائی انتخابات کا بائیکاٹ کرتے ہوئے اعلان کیا ہے کہ آئندہ کسی صوبائی اجلاس میں شریک نہیں ہوں گے۔
تفصیلات کے مطابق اسلامی تحریک کے صوبائی صدر علامہ سید سبطین حیدر سبزواری نے اسلام آباد میں ملی یکجہتی کونسل کے ہونیوالے انتخابی اجلاس کا بائیکاٹ کر دیا اور غیر جمہوری رویئے کی مذمت کرتے ہوئے کہا ہے کہ جماعت اسلامی اپنی اجارہ داری کے باعث اتحاد امت کے پلیٹ فارم کی اہمیت کو کم کر رہی ہے۔
انہوں نے کہا کہ جماعت اسلامی چاہتی ہے کہ ہر جگہ اس کی اجارہ داری قائم رہے۔شیعہ علما کونسل شمالی اور وسطی پنجاب دونوں تنظیمیں اس کا بائیکاٹ کریں گی۔ ہم سمجھتے ہیں کہ تمام عہدوں پر ہر رکن جماعت کو موقع دیا جانا چاہیئے، لیکن جماعت اسلامی ہر جگہ اپنی صدارت چاہتی ہے۔ اس وقت پاکستان بھر کے چھ صوبائی ڈھانچوں کی صدارت لے چکی ہے اور کسی دوسری جماعت کیلئے یہ عہدہ پسند نہیں کرتی، جو قابل قبول نہیں۔
