نوابشاہ، شیعہ علماءکونسل کی جانب سے مسجد کاظمیہ کا سنگ بنیاد

شیعہ نیوز (پاکستانی شیعہ خبر رساں ادارہ) شیعہ علماءکونسل پاکستان کے سربراہ علامہ سید ساجد علی نقوی کی جانب سے مسجد امام موسیٰ کاظم ؑ و مدرسہ کاظمیہ گوٹھ گل حسن سیال کا سنگ بنیاد شیعہ علماء کونسل پاکستان صوبہ سندھ کے صدر علامہ سید ناظر عباس تقوی نے رکھا۔

اس موقع پر شیعہ علماء کونسل پاکستان ڈویژن نواب شاہ کے صدر زوار محمد حسین چانڈیو، ضلع شہید بینظیرآباد کے جنرل سیکریٹری غلام عباس سیال، ضلعی ایڈیشنل جنرل سیکریٹری سلامت علی ساجدی،جعفریہ یوتھ کے صوبائی ناظم ممتاز علی سیال، مولانا محمد صالح شر اور دیگر تنظیمی کارکنان و مومنین موجود تھے۔

بعد ازاں شرکاء سے گفتگو کرتے ہوئے علامہ ناظرعباس تقوی نے کہاکہ الحمداللہ شیعہ علماءکونسل علامہ سید ساجدعلی نقوی کی ہدایات کی روشنی میں عوامی فلاح وبہبود کے بے شمار منصوبوں پر کام کررہی ہے ۔نوابشاہ میں یہ مسجداور مدرسہ بھی اسی سلسلے کی ایک کڑی ہے۔