مشرق وسطیہفتہ کی اہم خبریں
صیہونی جنگی طیاروں کی غزہ کی پٹی میں 7 مقامات پر بمباری
شیعہ نیوز (پاکستانی شیعہ خبر رساں ادارہ) اسرائیلی فوج نے فلسطین کے علاقے غزہ کی پٹی پرآج بدھ کو علی الصباح متعدد مقامات پر بمباری کی جس کے نتیجے میں متعدد املاک کو نقصان پہنچا تاہم کسی قسم کے جانی نقصان کی اطلاع نہیں ملی۔
رپورٹ کے مطابق اسرائیلی فوج نے بدھ کو علی الصباح غزہ کے جنوب مغرب میں ویران اراضی پرمتعدد میزائل گرائے۔
ادھر شمالی غزہ میں اسرائیل کے جنگی طیاروں اور ڈرون طیاروں کے ذریعے 7 مقامات پر بمباری کی گئی۔ صیہونی فوج نے غزہ کے وسط میں دیر البلح میں بھی متعدد بم گرائے۔
اطلاعات کے مطابق وسطی غزہ میں دیر البلح کے مقام پر اسرائیلی طیاروں نے کئی مقامات پر بمباری کی اور میزائل داغے۔
اسرائیلی طیاروں کی بمباری کے نتیجے میں علاقے میں خوف وہراس پھیل گیا۔
