اسرائیلی جرائم پر خاموشی غزہ میں نسل کشی میں مشارکت کے مترادف ہے، انصاراللہ

شیعہ نیوز: انصاراللہ یمن نے ایک بیان جاری کرکے عرب ملکوں اور بین الاقوامی برادری سے غزہ کے تعلق سے فوری اقدام کا مطالبہ کیا ہے اور کہا ہے کہ اسرائیلی جرائم پر خاموشی غزہ کے مظلوم عوام کی نسل کشی میں مشارکت ہے۔

رپورٹ کے مطابق انصار اللہ یمن نے اپنے بیان میں کہا ہے کہ غزہ کے مظلوم عوام، اسرائیلی دشمن کے محاصرے میں، دنیا کی آنکھوں کے ساامنے جان دے رہے ہیں۔

یہ بھی پڑھیں : جامع ایٹمی معاہدے کی موجودہ صورت حال ميں اسنیپ بیک میکانزم کی کوئی قانونی دستاویز نہیں ہے، آیت اللہ آملی لاریجانی

بیان میں کہا گیا ہے کہ غزہ کے عوام پر منظم فاقہ کشی مسلط کرکے 21 مہینے سے زائد عرصے سے ان کی نسل کشی کی جارہی ہے جس نے ثابت کردیا ہے کہ درندگی، ظلم اور جارحیت امریکہ اور اس کی پٹھو صیہونی حکومت کی خصوصیات میں شامل ہے۔

انصاراللہ یمن نے اپنے بیان میں کہا ہے کہ اسرائيل کے وحشیانہ جرائم پر خاموشی غزہ میں مظلوم فلسطینی عوام کی نسل کشی میں مشارکت ہے۔