سراج الحق نے جماعت اسلامی کی امارت سے استعفیٰ دے دیا

شیعہ نیوز: جماعت اسلامی پاکستان کے امیر سراج الحق نے جماعت کی امارت سے استعفیٰ دے دیا۔ جماعت اسلامی کے امیر سراج الحق نے جماعت کی امارت سے استعفیٰ دے دیا ہے۔ انہوں نے اپنے استعفی میں لکھا ہے کہ بھر پور کوشش اور محنت کے باوجود الیکشن میں جماعت اسلامی کو مطلوب کامیابی نہیں دلا سکا، جبکہ کارکنان نے بے انتہا محنت کی ہے، اللہ تعالیٰ ان کی محنت کو قبول فرمائے۔ سراج الحق نے اپنے استعفیٰ میں لکھا ہے کہ وہ انتخابات میں اس ناکامی کو قبول کرتے ہوئے جماعت کی امارت سے استعفیٰ دیتے ہیں۔ سراج الحق کے استعفیٰ کے بعد کی صورتحال کا جائزہ لینے کیلئے سیکرٹری جنرل جماعت اسلامی امیر العظیم نے شوری کا ہنگامی اجلاس طلب کر لیا ہے۔ مرکزی مجلس شوری کا اجلاس 17 فروری کو منصورہ میں ہو گا۔ شوری کے اجلاس کا آغاز صبح دس بجے ہو گا جبکہ مرکزی مجلس شوری میں اس صورتحال پر غور کیا جائے گا۔