ہسپانیہ نے اسرائیلی بحری جہازوں کو اپنی بندرگاہوں میں داخلے سے روک دیا

شیعہ نیوز: ہسپانیہ کے وزیر خارجہ ہوزے مینوئل البریز نے جمعہ کے روز اعلان کیا کہ ان کا ملک اسرائیل کے لیے ہتھیار لے جانے والے بحری جہازوں کو اپنی بندرگاہوں میں لنگر انداز ہونے کی اجازت نہیں دے گا، جب اسپین نے ملک کے جنوب مشرق میں کارٹیجینا کی بندرگاہ میں بحری جہاز کو گودی میں جانے کی اجازت دینے سے انکار کر دیا تھا۔

البریز نے نشاندہی کی کہ یہ جہاز پہلا جہاز تھا جسے ہسپانوی بندرگاہ میں ڈاکنگ سے روکا گیا۔

ہسپانیہ نے کہا  تھا کہ سات اکتوبر کی جنگ کے  بعد وہ کسی فریق کی طرف داری نہیں کرتا اور اسرائیل کو اسلحہ کی فراہمی میں تعاون نہیں کرے گا۔

یہ بھی پڑھیں : ایک درجن سے زائد ممالک نے مشترکہ خط کے ذریعے اسرائیل کو رفح حملے کے خلاف خبردار کیا، ذرائع

ہسپانوی وزیر ٹرانسپورٹ آسکر پوینٹے نے اعلان کیا کہ ماریان ڈینیکا جہاز ہتھیاروں کی کھیپ اسرائیل لے جا رہا تھا۔ اس نے 21 مئی کو کارٹیجینا کی بندرگاہ پر رکنے کی اجازت کی درخواست کی تھی لیکن اسے اجازت نہیں دی گئی۔

ایل پیس اخبار نے اطلاع دی ہے کہ جہاز میں تقریباً 27 ٹن دھماکہ خیز مواد تھا۔

یورپی یونین کے خارجہ امور کے اعلی نمائندے جوزپ بوریل نے ہسپانوی ریڈیو ” کے ساتھ ایک انٹرویو میں اعلان کیا کہ سپین 21 مئی کو فلسطین کی ریاست کو تسلیم کرے گا۔

یورپی عہدیدار نے تصدیق کی کہ مالٹا، آئرلینڈ اور سلووینیا جیسے یورپی ممالک فلسطینی ریاست کو تسلیم کرنے کے راستے پر ہیں۔

یاد رہے کہ ان ممالک نے 22 مارچ کو ایک مشترکہ بیان میں اعلان کیا تھا کہ وہ فلسطینی ریاست کو تسلیم کرنے کی جانب پہلا قدم اٹھانے پر رضامند ہیں۔