پاکستانی شیعہ خبریںہفتہ کی اہم خبریں
اربعین پر زائرین کے مسائل، شیعہ علماء کونسل کے وفد کی آیت اللہ حافظ بشیر نجفی سے ملاقات
شیعہ نیوز (پاکستانی شیعہ خبر رساں ادارہ) شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی کی ہدایت پر حوزہ علمیہ نجف اشرف کے ایک وفد نے آیت اللہ حافظ بشیر حسین نجفی سے ملاقات کی اور اربعین سید الشہداء حضرت امام حسین علیہ السلام کے موقع پر زمینی راستوں سے کربلا جانے والے زائرین کی مشکلات و مسائل سے آگاہ کیا۔
یہ خبر بھی پڑھیں پاکستانی زائرین امام حسینؑ کی مشکلات پر علامہ شبیر میثمی کا اہم بیان
شیعہ علماء کونسل کے نمائندہ وفد نے مرجع عالی قدر سے اربعین کے موقع پر زائرین کو درپیش مسائل کے حل کی گزارش کی، جس پر آیت اللہ بشیر نجفی نے اظہار کیا کہ وہ پاکستان سے آنے والے زائرین کے پیش کردہ مسائل کے حل کے لئے بھرپور کوشش کریں گے تاکہ زائرین بروقت اربعین کی زیارات سے فیضیاب ہوسکیں۔
