زاہدان میں پاکستان سے آنے والے اربعین حسینی کے قافلوں کو فیول کی فراہمی شروع

شیعہ نیوز: زاہدان کے پیٹرولیم مصنوعات کی ڈسٹریبیوشن کے ڈائریکٹر نے بتایا کہ میرجاوہ بارڈر سے سیستان و بلوچستان میں پہلے پاکستانی قافلے کی آمد کے ساتھ ہی زاہدان میں اربعین حسینی زائرین کے قافلوں کو فیول کی فراہمی کا کام ہفتے کے روز سے شروع ہوگیا ہے۔

IRNA کے نامہ نگار کے ساتھ انٹرویو میں قربان علی مردانی نے بتایا کہ وہ پاکستانی اربعین حسینی زائرین کے استقبال کے لیے پوری طرح تیار ہیں۔

یہ بھی پڑھیں : اسرائیل کے ڈیفنس سسٹم ایران کے حملے کے مقابلے کی توانائی نہیں رکھتے، فائنینشیل ٹائمز

انہوں نے کہا کہ پاکستانی زائرین کو درکار فیول فراہم کرنے کے لیے ضروری اقدامات اور منصوبہ بندی کر لی گئی ہے، اور آج پہلے قافلے کی آمد کیساتھ ہی میرجاوہ سے زائرین کو لے جانے والی 20 سے زیادہ بسوں کو فیول فراہم کیا گیا ہے۔

انہوں نے بتایا کہ میرجاوه میں خلیج فارس فیول اسٹیشن، زاهدان میں رامشار، تل سیاه، پایانه مسافربری اور جهان (نصرت آباد) سمیت پاکستانی زائرین کو (پاکستانی یا ایرانی ٹرانسپورٹ استعمال کرنے والے) پورے روٹ پرموجود تمام اسٹیشنوں پر تاخیر کے بغیر فیول فراہم کیا جائے گا۔