شام، غیر ملکی ایجنٹوں کے درمیان جنگ شدت اختیار کرگئی، ترک افسر ہلاک
شیعہ نیوز: شام میں ترکی اور امریکہ کے حامی عناصر کے درمیان تصادم شدت اختیار کرگیا، جھڑپوں کے دوران ایک اعلیٰ ترک افسر ہلاک ہو گیا۔
رپورٹ کے مطابق شام کے مختلف صوبوں میں امریکہ اور ترکی کے گماشتوں کے درمیان تصادم شدت اختیار کرگیا ہے۔
یہ بھی پڑھیں : بیروت ایئرپورٹ پر ایرانی سفارت کار کے بیگ کو کھولنے کی اجازت نہیں دی گئی، ایرانی سفیر
تازہ ترین واقعے میں تشرین ڈیم کے قریب نیشنل آرمی سے وابستہ جنگجوؤں نے ترکی کے حامی عناصر پر تشرین ڈیم کے آس پاس گھات لگا کر حملہ کیا جس میں 30 سے زائد افراد ہلاک اور زخمی ہوئے۔
ہلاک ہونے والوں میں ایک ترک افسر بھی شامل ہے جو ملک کی ملٹری انٹیلی جنس سروس سے وابستہ تھا اور ترک فوج کی کارروائیوں کی نگرانی کرتا تھا۔
مقامی ذرائع نے مزید بتایا کہ ترکی امریکہ سے وابستہ کرد فورسز کے زیر کنٹرول شہروں اور علاقوں کا کنٹرول حاصل کرنے کی کوشش کر رہا ہے اور اس وقت شام کے شمال مشرقی علاقوں میں دونوں فریقوں کے درمیان شدید جھڑپیں جاری ہیں۔
