شامی فوج نےدہشتگردوں کےحملہ آور ڈرونز تباہ کردیئے

شیعہ نیوز (پاکستانی شیعہ خبر رساں ادارہ) شام کی خبر رساں ایجنسی سانا کی رپورٹ کے مطابق  شامی فورسز نےامریکی ، سعودی و ترک حمایت یافتہ دہشت گرد گروہوں داعش اور النصرہ کی جانب سے شامی فوج پر حملے کیلیئے بھیجے جانے والے ڈرونز کو تباہ کردیا ہے۔

دہشتگردوں نے ان ڈرونز کو ادلب صوبے سے لاذقیہ صوبے کے شہر جبلہ پر حملے کے لئے روانہ کیا تھا۔

گزشتہ ہفتے بھی شام کی فضائیہ کے اینٹی ائیر کرافٹ یونٹ نے اسرائیل کی جانب سےدمشق ائیر پورٹ پرداغے جانے والے کئی میزائلوں کو تباہ کر دیا تھا۔

ذرائع نے اس بات کی تصدیق کی تھی کہ مذکورہ میزائل صیہونی حکومت کے زیر قبضہ علاقے جولان کی بلندیوں سے داغے گئے تھے۔

واضح رہے کہ داعشی دہشتگردوں کو امریکہ، اسرائیل کے علاوہ ترکی کی جانب سے بھی اسلحہ کی ترسیل اور پشت پناہی حاصل ہے۔