گریٹر اسرائیل منصوبے کی آخری منزل مدینہ اور مکہ شریف ہے،طاہر اشرفی

شیعہ نیوز : لاہور میں بحریہ ٹاون کی گرینڈ مسجد میں چیئرمین پاکستان علماء کونسل طاہر اشرفی نے پریس کانفرنس کی اور یوم یکجہتی فلسطین کی مناسبت سے گفتگو کی۔ انہوں نے کہا کہ فلسطین کے حق میں پُرامن ریلیوں کا اہتمام کرتے رہنا چاہیے، اہل غزہ کی مدد کیلئے حکومت پاکستان اور تنظیموں کیساتھ تعاون کریں۔ انہوں نے کہا کہ گریٹر اسرائیل منصوبے کی آخری منزل مدینہ اور مکہ شریف ہے، ہم اگر اسرائیل کیساتھ لڑ نہیں سکتے تو اسرائیلی مصنوعات کا بائیکاٹ ہم سب کو لازمی کرنا چاہیے۔

یہ بھی پڑھیں : حکومت کے غیر سنجیدہ رویئے اور غفلت کے باعث پاراچنار کی لاکھوں آبادی علاقے میں محصور ہے، ساجد حسین طوری

انہوں نے کہا کہ پاکستانی عوام، حکومت اور فوج اہل فلسطین کیساتھ شانہ بشانہ کھڑے ہیں، ہماری فوج کے سربراہ جنرل عاصم منیر نے فلسطینیوں کا ہمیشہ ساتھ دیا ہے، ان کے سفیر سے جی ایچ کیو میں میری ملاقات ہوئی تھی۔ انہوں نے کہا کہ آج پورا ملک یوم یکجہتی فلسطین منا رہا ہے اور پیغام دے رہا ہے کہ فلسطین ہمارا تھا، ہمارا ہے اور ہمارا ہی رہے گا۔ طاہر اشرفی نے اہل فلسطین سے مخاطب ہوتے کہا کہ ہم فاصلے میں آپ سے دور ہیں، مگر دل آپ کے قریب ہیں۔