میانوالی میں تھانے پر تکفیری دہشتگردوں کا حملہ ناکام، 4 خوارج ہلاک

شیعہ نیوز: میانوالی میں تھانے پر خارجی تکفیری دہشتگردوں  نے حملہ کیا جسے ناکام بنا دیا گیا ہے، تاہم اس دوران 4 خوارج ہلاک کر دیئے گئے۔

اطلاعات کے مطابق میانوالی میں تھانہ چاپری پر تکفیری خارجی دہشتگردوں کا حملہ پنجاب پولیس نے ناکام بناتے ہوئے 4 دہشتگردوں کو ہلاک کردیا۔ ترجمان پنجاب پولیس کے مطابق تھانہ چاپری میانوالی پر خوارجی دہشت گردوں نے اچانک حملہ کر دیا تھا، تاہم پنجاب پولیس نے اسے ناکام بناتے ہوئے، اس دوران 4 دہشتگردوں کو ہلاک کر دیا۔

یہ بھی پڑھیں: کرم میں امن کیلئے سخت آپریشن ناگزیر ہے، فیصل کریم کنڈی

ترجمان پولیس کا کہنا ہے کہ خیبرپختونخوا سے متصل پنجاب کی بین الصوبائی سرحد پر عیسی خیل سرکل کے تھانہ چاپری پر دہشت گرد حملہ آور ہوئے، 20 سے زائد خوارجی دہشتگردوں نے بھاری اسلحے کے ساتھ تھانہ پر اچانک حملہ کیا، جسے ناکام بنا دیا گیا، اس دوران بھاری ہتھیاروں سے فائرنگ بھی کی گئی۔

ترجمان پنجاب پولیس کا کہنا تھا کہ پولیس اور خارجی دہشتگردوں کے درمیان شدید فائرنگ کا تبادلہ ہوا، دہشتگردوں نے تھانہ کی عمارت پر راکٹ لانچرز برسائے اور ہینڈ گرنیڈز سے بھی حملہ کیا تاہم اس واقعہ میں تھانہ چاپری کا تمام عملہ محفوظ رہا۔ صرف دو پولیس اہلکار معمولی زخمی ہوئے، تاہم پولیس کی جوابی فائرنگ سے دو خوارج دہشت گرد ہلاک ہو گئے۔

یہ بھی پڑھیں: مودی حکومت 1947ء جیسے فسادات کروانا چاہتی ہے، محبوبہ مفتی

ترجمان نے مزید بتایا کہ واقعے کے بعد ڈی پی او میانوالی اختر فاروق، سینئر پولیس افسران موقع پر پہنچ گئے اور آئی جی پنجاب ڈاکٹرعثمان انور نے دہشت گردوں کا حملہ ناکام بنانے پر میانوالی پولیس کی تعریف کی۔ اس موقع پر آئی جی پنجاب کا کہنا تھا کہ پنجاب پولیس ہمہ وقت الرٹ ہے، دہشت گردوں کے ناپاک عزائم کو خاک میں ملا کر دم لیں گے۔